英超豪门车路士喺冬季转会窗罕见平静，周日(21日)终於出手，将外借英冠李斯特城嘅中场卡沙迪提前回收，据报呢位意大利新星将直接竞争正选位置，不过呢个举动就引起猜测，干拿加历查或喺今个月内被卖走。
现年21岁嘅卡沙迪，喺2022年夏天由国际米兰加盟车路士，转会费要成1,600万镑(约1.6亿港元)，季前被外借去李斯特城1季，喺各项赛事有25次上阵，帮助球队喺英冠排榜首。转会权威Fabrizio Romano证实，车路士决定提前即时回收卡沙迪，并会跟一队操练争逐正选，领队普捷天奴认为佢可以注入即战力。
